02 98 92 97 23
Etre miz C'hwevrer ha kreiz miz Even 2023

20vet Troiad an tresadennoù-bev
advouezhiet e brezhoneg

Daou brogramm, evit ar re vihan hag ar re vras…

ADALEK 3 BLOAZ

Ur programm 6 film bevaat
Frañs - Belgia / 2017-2019 / 53 mun  / Cinéma Public Films
Seveniñ :
Anaïs Sorrentino, Arnaud Demuynck, Pascale Hecquet, Rémi Durin, Hugo Frassetto
Advouezhiañ e brezhoneg : Dizale


Ur bleiz hag a gred dezhañ bezañ an hini bravañ, ur menn bleiz hag a fell dezhañ chaseal e unanig, ur bleizig hag a blij dezhañ kavout kompagnuned... Bleizi forzh pegement ! Bleizi faro hag a soñj dezhe bezañ mistri war al holl loened all, ha gouiziet mat eo koulskoude : er bleizi-se n’eus netra nemet karantez !
Setu c’hwec’h film berr a-benn dispakañ o ferzhioù, graet gant meur a deknik-animañ.
E ‘Bleizi tener ha droch’ ez eo ar gaouenn a ginnig deomp ur mod nevez, graet a fent hag a varzhoniezh, da splujañ er c’hontadennoù hag al levrioù evit teurel ur sell nevez ouzh ar bleizi.

Me eo an hini kreñvañ
Me eo an hini bravañ
Mennig Menn Bleiz
Gwilhoù ar Bleiz a zo deuet en-dro
Gwilhoù Vras ha Gwilhoù Vihan
Deomp da bourmen

ADALEK 6 VLOAZ

Film bevaat / Iwerzhon - Stadoù-Unanet - Luksembourg / 2020 / 1ezh43
Haut et Court
Seveniñ : Tomm Moore ha Ross Stewart
Advouezhiañ e brezhoneg : Dizale
En Iwerzhon, da vare ar brizhkredennoù hag an hudouriezh, e ro Robyn, 11 vloaz, sikour d’he zad da chaseal ar bagad bleizi diwezhañ. Met ar plac’hig ‘ra anaoudegezh gant Mebh, bugel en deiz, ha bleizez en noz, e-kerzh un huadeg. Adal an deiz-se, war spered Robyn, emañ ar gourdrouz o tont digant an dud, ha n’eo ket mui digant ar bleizi.

Goude Brendan ha sekred Kells e 2010 ha Kan ar mor e 2016, omp laouen o kinnig deoc’h film diwezhañ Tomm Moore. Plijet bras omp gant e filmoù, gwriziennet mat er sevenadur keltiek.

Filmoù 2023 – Dafar – Aozadur – Bilañs 2022