AOZADUR AN DROIAD
Etre kreiz fin miz C'hwevrer ha kreiz miz Even
Dibaoe 2003 e vez aozet, gant Daoulagad Breizh, un droiad tresadennoù-bev advouezhiet e brezhoneg gant Dizale. Kinniget e vez bep bloaz, etre fin miz C'hwevrer ha kreiz miz Even, d'an holl skolioù divyezhek prevez (Dihun), publik (Divyezh) ha Diwan.
An aozourien
Daoulagad Breizh a ra war-dro kenurzhiañ ar skignañ. Hervez al lec'hioù e kenlabouromp gant kevredigezhioù lec'hel pa vez dioute (emglevioù bro, tiez ar vro…). Gante e vez aozet an abadennoù ’barzh o c'horn bro. Dizale a ra war-dro advouezhiañ ar filmoù. E Penn-ar-Bed Emglev Bro Douarnenez, KLT (Bro Montroulez), Sked (Bro Vrest), Ti ar vro Bro Leon, Ti ar Vro Landerne-Daoulaz, Ti ar vro Kemper, Raok (kreiz Breizh), Ti-kêr Karaez, Brezhoneg e Plouzane, Emglev bro ar c'hab. En Aodoù-an-Arvor Ti ar vro Treger-Goueloù (Bro Dreger), Ti ar Vro Sant-Brieg, Ti ar vro Gwengamp, Raok (kreiz Breizh). Er Morbihan Emglev Bro an Oriant, Emglev Bro Gwened, Raok (Kreiz Breizh), Ti Douar Alre (Bro an Alre), Ti ar vro Bro Pondi, Brezhoneg e Rewis e Sarzhav En Il-ha-Gwilen Skeudenn Bro Roazhon , Gwelet 'vo (Redon) El Liger-Atlantel Ajañs sevenadurel Morvan Lebesque An dafar da vont heul pep abadenn
• Skritell ar film, unan da bep klasad.
• Dielloù war ar film evit ar skolaerien. • Ur gartenn hiniennel evit pep arvester, roet goude ar film, a-benn derc’hel soñj. Aozet ha roet e vez an dafar-mañ gant Daoulagad Breizh. |
|
Ar filmoù
|
Al lec’hioù
Skignet e vez ar filmoù er salioù sinema da gentañ-penn, pe er vediaouegoù pe e kreizennoù sevenadurel, dafar video enno. War ziorren ez a ar rouedad skignañ : ingal e tifoupomp lec'hioù nevez ha mont a reomp war-zu skolioù nevez c'hoant gante kemer perzh en Droiad.
Troiad 2025
Deuit e darempred ganeomp m’ho peus c’hoant da gemer perzh en droiad, pe ’vit goût hiroc’h war an droiad (deoc’h da c’hoût : 3 euro dre vugel a vez goulennet). |
|
