Troiad sinema evit ar skolioù
|
Gant ar gevredigezh Daoulagad Breizh e vez kenurzhiet, dibaoe 2003, un Droiad tresadennoù-bev advouezhiet e brezhoneg gant Dizale, gant sikour Kuzul Rannvro Breizh ha Kuzulioù departamant Penn-ar-Bed, Il-ha-Gwilen hag ar Morbihan. Kinniget e vez an Droiad d'ar skolioù divyezhek prevez (Dihun), publik (Divyezh) ha Diwan. Kenlabouret e vez gant kevredigezhioù lec’hel (emglevioù bro, tier ar vro, tier an holl...).
|
E 2024 eo ouzhpenn 12 200 bugel
o doa kemeret perzh en Droiad, e 80 lec’h disheñvel e Breizh a-bezh. |
Etre fin miz C'hwevrer ha fin miz Even 2025 : 22vet Troiad
|
Deuit e darempred ganeomp m’ho peus c’hoant da gemer perzh en droiad, pe ’vit gouzout hiroc’h war an droiad.
|
Da betra un Droiad tresadennoù-bev ?
|
Ouzhpenn yezh ar skol eo ar brezhoneg, yezh ar skramm bras ha yezh ar blijadur ’ni eo ivez ! Bewech pa vez skignet ur film e vez graet gant ur pal « fiñvskeudennek »,
ur pal deskadurel hag ur pal yezhoniel. Ar vugale o dez tro, e
giz-se, da vont en ur sal sinema da welet daou film brav e brezhoneg
hag, alies, da gejañ gant bugale divyezhek ar skolioù all. Ul
labour don a c’hell bezañ graet er c’hlas, liammet gant ar
filmoù. Skritelloù, kartennoù hag un teul evit ar c’helenner, hentoù labour
ennañ, a vez savet ha kinniget gant Daoulagad Breizh.
|
