Gouel ar filmoù Douarnenez

E 1978 e oa bet krouet ar Festival, gant ur strollad mailhed war ar sinema bodet, d’ar mare-se, evit stourm a-enep da greizenn nukleel Plogo, ha difenn idantelezh ar vro. Filmoù ha doareoù disanavez a vez diskouezet, abaoe ar penn-kentañ, e-kerzh ar Festival.

Bep bloaz ec’h eo pobladoù disheñvel a vez pedet er Festival, an holl anezhe o stourm evit o idantelezh, mezhekaet pe disteraet en o broioù an aliesañ. Stourm a reont evit o gwirioù, war o zakad, war o yezh hag o sevenadur, evit kaout ur statud politikel, e berr gomzoù : evit o dinite.
Teulfilmoù ha filmoù-faltazi a vez diskouezet, hag un eskemm gwir a vez etre ar sellerien hag an dud pedet, disheñvel o selloù ‘wechoù.
Abaoe 1982 ec’h eo Daoulagad Breizh kevredigezh keveler Festival sinema Douarnenez. Ober a ra war-dro ar rann Dreistdibab Breizh, un dibab filmoù savet pe produet e Breizh. Kinnig a ra ivez emgavioù gouestlet d'ar c'hrouiñ e brezhoneg : Brezhoneg war ar skrammoù mar plij !