Kreizenn dielloù
Eñvor Gouel ar Filmoù e Douarnenez e kenlabour gant Daoulagad Breizh
An treuzkas e-kreiz ar jeu
|
En ti zo 13, straed Mickael an Nobletz e Douarnenez, stok ouzh Mirdi ar Bigi hag ar Vediaoueg, emañ staliet Kreizenn Dielloù ar Festival. Ul lec’h kelaouiñ hag eskemm eo, e-lec'h ma c’haller gwelet filmoù ivez. Un 3 000 film VHS pe DVD bennak zo enni, ha 1 000 levr. Teuliadoù dielloù, dastumadegoù kelaouennoù war ar sinema ha Breizh, katalogoù festivalioù a gaver enni ivez. |
Dalc’had Pobloù ha minorelezhioù
Teulfilmoù, filmoù faltazi, levrioù e liamm gant temoù bet ar Festival.
Dalc'had Breizh (bouetaet gant traoù ouzhpenn bep bloaz gant Daoulagad Breizh)
Teulfilmoù, filmoù faltazi, filmoù-bevaat, filmoù e brezhoneg, levrioù, kelaouennoù war an danvez.
Dalc'had dre demoù
Maouezed, Enbroañ, Trevadennoù, Fedoù er gevredigezh (toulloù-bac'h, bedeladur, tud ampichet…), Bugale, Enor da sevenourien stourmerien…
Piv a c’hall tennañ e vad eus ar Greizenn ?Digor eo ar Greizenn dielloù da gement hini a fell dezhañ ober un tamm enklask bennak (tud a-vicher war ar c’hleweled ; skolioù, skolajoù, liseoù, skolioù-meur ; kevredigezhioù sevenadurel, pe a ra war-dro ar genskoazell etrebroadel ; festivalioù sinema, programmerien ; kreizennoù didu ha buhezourien ; izili ar Festival ha Daoulagad Breizh…)
Ingal e vez prest skipailhoù ar Festival ha Daoulagad Breizh da roiñ an dorn en enklaskoù-se, ha da sikour kement ezel eus ur gevredigezh bennak a plijfe dezhañ programmiñ ur film, da vont en darempred gant perc'henien ar gwirioù (produourien pe skignerien…). |
Ur sal a vez prestet d'ar re a fell dezhe sellet ouzh ur film, pe meur a hini, war blas.
Evit gellet amprestiñ dielloù eo ret bezañ ezel eus ar Festival pe eus Daoulagad Breizh, gant ma vo stag ouzh an dielloù-se gwirioù prestiñ d'an hiniennoù. |
