Filmig kinnig Mizvezh an Teulfilmoù e Breizh
Ar filmoù kinniget gant Daoulagad Breizh da dud Penn-ar-Bed
E kement abadenn a vo e vo moaien da gomz gant sevenour ar film, pe gant unan deus skipailh ar film pe c’hoazh gant unan a zo ur mailh war danvez ar film.
Filmoù e brezhoneg
Programm Bastian ’Gwilhoù (brezhoneg istitlet e galleg gant F3)
Bernard Teulfilm / Breizh / 2012 / 20 mn / Liv / Produet gant France 3 Bretagne (Roazhon) Poltred Bernard Morellec eo ar film-mañ, ur paotr brudet ’ba Tregrom, ’ba Bro-Dreger. Koadour eo hemañ abaoe ma oa bihan-bihan. Anvez mat ’ra ar gwez, ha goût ’ra penaos diskar ’nezhe. Marsel paotr-plaen Teulfilm / Breizh / 2010 / 26 mn / Liv / Produet gant France 3 Bretagne (Roazhon) A holl viskoazh eo bet Marsel Gwilhou o vevañ ’ba Krec’h-Morvan, ’ba ’r menaj-se e Kreiz-Breizh e-lec’h ma oa ganet e 1930. Labourat an douar ’n deus bet graet eno, desevel chatal ivez. Ha kanañ. E diegezh, e amezeien, an holl war ar maez a gane hag a zañse. Ha n’eo ket souezh neuze ma oa bet krog Marsel da ganañ gwerzioù ha kan-ha-diskan. Digor ’vez dor e di, dalc’hmat, d’ar re yaouank a faot dezhe ober kemend-all. Hag ur bern ’nezhe zo bet o kanañ gantañ ! Poltred ur penn-breton sioul ha fin, a zo bet kap da roiñ kement tra a oar hep ober geizoù. Lesneven –Ti ar Vro Leon – Sinema Even – d’ar Meurzh 27 a viz Du 2012 – 8 eur 30 noz |
|