Dielfennañ ur film
|
Abalamour ma ra berzh an droiad-filmoù er skolioù-mamm hag er c’hentañ derez en deus bet c’hoant skipailh Daoulagad Breizh da labourat en un doare pishoc’h gant ar skolajoù hag al liseoù, ha da respont d’o ezhommoù. |
Raktres nevez
Fellout a ra deomp kinnig abadennoù diwar skouer “Collège/lycée au cinéma”. Labourat ganeomp a ra ar gevredigezh Canal Ti Zef ha Lutig war ar raktres-mañ. Un taol-esae hon oa graet e 2013-2014 gant ar film The runway : 5 skolaj o doa kemeret perzh. 10 skolaj o doa kemeret perzh e 2014-2015, gant ar memes film. Kinnig a reomp ur film nevez abaoe 2016 : Lodenn an aelez. Gwelet eo bet gant 12 skolaj ha 3 lise evit poent. |
Palioù ar raktres
Doareoù a bep seurt a vez implijet er skolaj evit kinnig ur sell nevez d’ar skolajidi, ha diorroiñ o spered barn. Er programm “Collège au cinéma” e reer gant filmoù evit kas ar pal-se da benn. Ar vugale o vezañ koshoc’h ez eus tu da vont pelloc’h gant al labour war ar filmoù er skolaj. Kelenn d’ar skolajidi an diaezezoù evit mestroniañ kodoù ar sinema, gouzout peseurt goulennoù sevel dirak ur film, ha neuze, soñjal er film e-giz un objed sevenadurel ha prederius eo hor pal. D’ar c’houlz-se e teu an dielfennerezh filmoù da vezañ ur galloud sevenadurel, a ro plijadur.
Doareoù a bep seurt a vez implijet er skolaj evit kinnig ur sell nevez d’ar skolajidi, ha diorroiñ o spered barn. Er programm “Collège au cinéma” e reer gant filmoù evit kas ar pal-se da benn. Ar vugale o vezañ koshoc’h ez eus tu da vont pelloc’h gant al labour war ar filmoù er skolaj. Kelenn d’ar skolajidi an diaezezoù evit mestroniañ kodoù ar sinema, gouzout peseurt goulennoù sevel dirak ur film, ha neuze, soñjal er film e-giz un objed sevenadurel ha prederius eo hor pal. D’ar c’houlz-se e teu an dielfennerezh filmoù da vezañ ur galloud sevenadurel, a ro plijadur.
Evit ar re 6ved & 5ved
E barr uhelañ ar bed
Ur film gant Rémi Chayé Film-bevaat / 1evzh20 / gallek-danek / 2015 Advouezhiet e brezhoneg gant Dizale Skignañ : Daoulagad Breizh Bevañ a ra Sacha, 15 vloaz anezhi, e-giz holl verc’hed yaouank noblañs Rusia. Padal ec’h eo ergerzhet ar bed e fellfe dezhi ober, e-giz he zad-kozh Oloukine. Aet e oa hemañ betek en Ahel an Norzh, met ne oa ket deut war e giz biskoazh. D’un deiz bennak e ra Sacha he soñj ha, kalon enni, e kuita Saint-Petersburg da vont war roud he zad-kozh. Horos eo an droiad e krog-hi ganti neuze, pell-pell du-hont, war an douaroù skorn-se a reer an Norzh Pellañ anezhe. 2015 : Priz ar sellerien e Festival International du film d'animation, Annecy 2016 : Priz meur en Tokyo Anime Award da geñver an Tokyo International Anime Fair e Japan ; Priz ar sellerien yaouank er festival Anima (Festival International du film d'animation Brussel) e Belgia Skridaozañ : Fabrice de Costil Streweiñ : Diaphana Distribution Produiñ : Sacrebleu Productions, Maybe Movies, France 3, Canal + ha Norlum Fichenn pedagogel Canopé e galleg. Fichenn pedagogel e brezhoneg. |
Evit ar re 4re/3de & liseidi
Sevenet gant Ken Loach
Film faltazi / Breizh-Veur / 2012 / 1ezh41 Advouezhiet e brezhoneg gant Dizale Skignañ : Daoulagad Breizh E Glasgow, Robbie, deuet da vezañ tad, ne c'hell ket en em zistagañ diouzh e vuhez feller. Ober a ra anaoudegezh gant Rino, Albert ha Mo, ur plac'h yaouank. Evelto e tremen ku-ha-ka hep bezañ toullbac'het, met paket eo gant labourioù evit ar gevredigezh. Harry, an desaver a ra war o zro, a zeu da vezañ o mentor nevez, o reiñ dezho, dre guzh, da anaout ar whisky. Gwelet e vezont e strilherezhioù hag o tañva ar wiski gant tud cheuc'h. Diskuliañ a ra Robbie e zonezon da vlazañ ar wiski, gouest eo da anavezout ar whiskioù dibaotañ, kerañ. Asambles gant e dri c'homper, daoust hag-eñ e raio Robbie e vad eus an donezon-se evit kignat an dud - ur bazenn ouzhpenn en e vuhez feller ha feuls ? Pe daoust hag e savo un dazont nevez, leun a bromesaoù ? An aelez 'ken a oar... 
|
Kinnig a reomp, da heul skignañ ar film, ur prantad eskemm-stummañ war an diellfennañ filmoù gant ur buhezour. Sachañ evezh ar skolajidi war stumm ha danvez ar film, kinnig un doare da zielfennañ ar film hasevel, diwar se, arguzennoù ur savboent a vo pal ar prantad. Desket e vo d'ar skolajidi ober gant geriaoueg ar c'hleweled. Dielfennet a-dost e vo tammoù dibabet er film. Lakaet e vo ar skolajidi da gemer perzh ar muiañ posubl, dezhe da gavout ar respontoù.
|
An aozañ
Gant Daoulagad Breizh e vez kenurzhiet an abadennoù e Breizh a-bezh. Posubl e vez aozañ anezhe eus kreiz miz Genver betek miz Even. Skignañ ar film Skignet e vez ar filmoù e salioù sinema pe e kreizennoù sevenadurel dafar enne : luc’hvanner video, skramm, peadra evit ar son, ha lenner DVD pe Blu-ray. Posubl e vez ivez aozañ an abadennoù er skolaj ma vefe dafar enne ha salioù plijus evit seurt abadennoù. Ar prantad diellfennañ E-barzh ar c’hlas e vo graet ar prantad eskemm/stummañ war dielfennañ ar film, un nebeud devezhioù goude ma vefe bet gwelet ar film gant ar skolajidi. Arabat e vo gortoz re bell goude ar skignadenn. Un eurvezh e pado ar prantad-mañ. Kinniget e vo gant ur buhezour eus Daoulagad Breizh, Canal Ti Zef pe Lutig. Ar c’houst 2,50 € e kousto gwelet ar film da bep skolajiad pe 150€ en holl pa vezo muioc’h eget 60 skolajiad o kemer perzh (hep kontañ feurm ur sal). 100 € e kousto ar prantad eskemm/stummañ war dielfennañ ar film gant ur buhezour (prantad un eurvezh). |
|
Dafar roet
Ur skritell eus ar film da bep klasad Un teul da gelenner ar c’hlas Ur fichenn da bep skolajiad Kemer perzh pe/ha gouzout hiroc'h Daoulagad Breizh Elen Rubin 02 98 92 97 23 |
The Runway,
ar film bet kinniget er bloavezh-skol 2014 ha 2015
2010, Bro Iwerzhon - Bro Luxembourg, 1 eurvezh 41
Tennet diwar fedoù gwirion eo ar gomedienn-se : kontañ a ra istor Ernesto, ul loman kolombian a ya e garr-nij da flastrañ war ur gêriadenn a Vro-Iwerzhon. Ne oar ar paotr tamm ger saozneg ebet anezhañ. Anaoudegezh a ra gant Paco, ur paotrig nav bloaz anezhañ, kastilhaneger nemetañ ar vilajenn : mont a raio hennezh da jubennour war gont egile.
Daskemmañ a ra Paco buhez hag istor douetus an aerloman, dre gontañ da gement hini ez eo Ernesto un haroz, un den a vrud, peadra da lakaat annezidi ar gêriadenn war e du a-benn sevel e garr-nij en-dro.
Skritell
Teuliad ar c'helenner
Fichenn ar skolajiad
ar film bet kinniget er bloavezh-skol 2014 ha 2015
2010, Bro Iwerzhon - Bro Luxembourg, 1 eurvezh 41
Tennet diwar fedoù gwirion eo ar gomedienn-se : kontañ a ra istor Ernesto, ul loman kolombian a ya e garr-nij da flastrañ war ur gêriadenn a Vro-Iwerzhon. Ne oar ar paotr tamm ger saozneg ebet anezhañ. Anaoudegezh a ra gant Paco, ur paotrig nav bloaz anezhañ, kastilhaneger nemetañ ar vilajenn : mont a raio hennezh da jubennour war gont egile.
Daskemmañ a ra Paco buhez hag istor douetus an aerloman, dre gontañ da gement hini ez eo Ernesto un haroz, un den a vrud, peadra da lakaat annezidi ar gêriadenn war e du a-benn sevel e garr-nij en-dro.
Skritell
Teuliad ar c'helenner
Fichenn ar skolajiad