AN DROIAD EVIT AR SKOLIOÙ HAG AR SKOLAJOÙ
|
Gant ar gevredigezh Daoulagad Breizh e vez kenurzhiet, dibaoe 2003, un Droiad tresadennoù-bev advouezhiet e brezhoneg gant Dizale, gant sikour Kuzul Rannvro Breizh ha Kuzul departamant Penn-ar-Bed. Kinniget e vez an Droiad d'ar skolioù ha skolajoù divyezhek prevez (Dihun), publik (Divyezh) ha Diwan. Kenlabouret e vez gant kevredigezhioù lec’hel (emglevioù bro, tier ar vro, tier an holl...).
Gouzout hiroc'h |
|
TEULFILMOÙ ER SKOLAJOÙ
Dibaoe 2010 emañ Daoulagad Breizh o labourat asambles gant skolaj Diwan Jakez Riou e Kemper ha skolajoù divyezhek Brizeux e Kemper ha Sant-Fransez e Lesneven, evit kinnig d’ar skolajidi teulfilmoù e brezhoneg, hag un emgav gant tud pedet, brezhonegerien, da heul ar skignadennoù.
Gouzout hiroc'h |
EVIT AR SKOLAJOÙ HAG AL LISEOÙ
Daoulagad Breizh ha Canal Ti Zef a ginnig un abadenn diellfennañ da heul skignadenn ar film.
Gouzout hiroc'h |
SEVEL FILMOÙ-BERR
|
E 2013-2014 eo bet Daoulagad Breizh o labourat asambles gant lise Diwan Karaez, evit sikour an eilveidi da sevel filmoù-berr faltazi. Lakaet hon eus tud a-vicher da zont da labourat ganto ha kas ho raktres war-raok. Gouzout hiroc'h
Memes doare raktres a oa bet savet gant Skolaj Diwan Kemper e 2012-2013. Gouzout hiroc'h |
Gant ar gevredigezh Canal Ti Zef e vez kinniget atalieroù e brezhoneg war ar sevel filmoù e brezhoneg (filmoù-bevaat, faltazi pe teul-filmoù).
|
Kenstrivadeg
An Erminigoù 'zo ur c'henstrivadeg filmoù-berr aozet etre an holl skolajoù ha lise Diwan.
Bep bloaz e vez kinniget un tem da sevel ur film 5 munutenn d'ar muiañ e stumm .AVI pe .MPEG da reiñ war un DVD d'an hini e-karg e pep skolaj/lise.
E Karaez, gant tud a vicher ha skolajidi (ur skolajiad eus pep skolaj) e vez roet ar prizioù da heul :
- Erminig ar son / sonerezh
- Erminig an arvesterien
- Erminig ar brezhoneg
- Erminig ar gwiskamantoù
- Erminig an aktourien
- An Erminig Aour
